SPORTNING “TRIATLON” TURI BO‘YICHA G‘OLIBLARI ANIQLANDI
Jizzax viloyati Zarbdor tumanida sportning “Triatlon” turi bo‘yicha Milliy gvardiya Jizzax viloyati bo‘yicha boshqarmasi boshlig‘i kubogi uchun viloyat yoshlari hamda huquqni muhofaza qiluvchi organlar o‘rtasida musobaqa bo‘lib o‘tdi.
Ushbu musobaqada jami 30 dan ortiq jamoalar ishtirok etib, o‘zaro kuch sinashdi. Musobaqa yakuniga ko‘ra umumiy hisobda Huquqni muhofaza qiluvchi organlar o‘rtasida faxrli 3-o‘rinni FVB xodimi serjant Tinchlikov Azizbek, faxrli 2-o‘rinni Milliy gvardiya Jizzax viloyati bo‘yicha boshqarmasi harbiy xizmatchisi kichik serjant Umarov Imomnazar qo‘lga kiritgan bo‘lsa, faxrli 1- o‘rinni viloyat IIB xodimi serjant Nomozov Azizbek qo‘lga kiritdi.
Yoshlar o‘rtasida o‘tkazilgan musobaqa natijalariga ko‘ra faxrli 3-o‘rinni Sh.Rashidov tumani ishtirokchisi Umirov Samandar, faxrli 2- o‘rinni Zarbdor tumani ishtirokchisi Abdusattorov O‘ral, faxrli 1-o‘rinni esa Jizzax shahar ishtirokchisi Qarshiboyev Abduvalilar qo‘lga kiritishdi. G‘oliblikni qo‘lga kiritgan ishtirokchilar musobaqa yakunida tashkilotchilarning qimmatbaho sovg‘alari va esdalik uchun diplomlar bilan taqdirlandilar.
Tadbirning badiiy qismida tomoshabinlar va ishtirokchilar uchun ko‘ngilochar konsert dasturi namoyish etilib, ularining kayfiyatini ko‘targan bo‘lsa, harbiy xizmatchilarning ko‘rgazmali jangovar chiqishlari esa yig‘ilganlarda katta taassurot qoldirdi.
