СПОРТНИНГ "ТРИАТЛОН" ТУРИ БЎЙИЧА ҒОЛИБЛАРИ АНИҚЛАНДИ
Жиззах вилояти Зарбдор туманида спортнинг "Триатлон" тури бўйича Миллий гвардия Жиззах вилояти бўйича бошқармаси бошлиғи кубоги учун вилоят ёшлари ҳамда ҳуқуқни муҳофаза қилувчи органлар ўртасида мусобақа бўлиб ўтди.
Ушбу мусобақада жами 30 дан ортиқ жамоалар иштирок этиб, ўзаро куч синашди. Мусобақа якунига кўра умумий ҳисобда Ҳуқуқни муҳофаза қилувчи органлар ўртасида фахрли 3-ўринни ФВБ ходими сержант Тинчликов Азизбек, фахрли 2-ўринни Миллий гвардия Жиззах вилояти бўйича бошқармаси ҳарбий хизматчиси кичик сержант Умаров Имомназар қўлга киритган бўлса, фахрли 1- ўринни вилоят ИИБ ходими сержант Номозов Азизбек қўлга киритди.
Ёшлар ўртасида ўтказилган мусобақа натижаларига кўра фахрли 3-ўринни Ш.Рашидов тумани иштирокчиси Умиров Самандар, фахрли 2- ўринни Зарбдор тумани иштирокчиси Абдусатторов Ўрал, фахрли 1-ўринни эса Жиззах шаҳар иштирокчиси Қаршибоев Абдувалилар қўлга киритишди. Ғолибликни қўлга киритган иштирокчилар мусобақа якунида ташкилотчиларнинг қимматбаҳо совғалари ва эсдалик учун дипломлар билан тақдирландилар.
Тадбирнинг бадиий қисмида томошабинлар ва иштирокчилар учун кўнгилочар концерт дастури намойиш этилиб, уларининг кайфиятини кўтарган бўлса, ҳарбий хизматчиларнинг кўргазмали жанговар чиқишлари эса йиғилганларда катта таассурот қолдирди.
