Surxondaryo viloyatida "Taʼlim maskanlarini xavfsizligini taʼminlash – kelajak avlod egalarining sifatli taʼlim olishlari garovidir!" mavzusida oʻquv seminari tashkil etildi
Milliy gvardiya Surxondaryo viloyati Qo‘riqlash boshqarmasi xodimlari tomonidan Termiz shahridagi umumtaʼlim maktablarining idoraviy qorovullik bo‘linmalari ishchi-xizmatchilarining xizmat faoliyatiga doir bilimlarini mustahkamlash maqsadida navbatdagi o‘quv seminar tashkil etildi. Unda viloyat Qo‘riqlash boshqarmasi hamda Favqulodda vaziyatlar boshqarmasi mutaxassislari tomonidan qo‘riqlash sohasiga doir qonunchilikdagi yangiliklar, xizmatni tashkil etishda eʼtiborni qaratish lozim bo‘lgan jihatlar, qo‘riqlash-yong‘indan ogohlantiruvchi signalizatsiya vositalarining ishlash tizimi, obyektlar daxlsizligini taʼminlashdagi ichki tartib-qoidalar haqida maʼlumot va tushunchalar berildi. Mavzuga doir ishtirokchilar o‘zlarini qiziqtirgan savollariga masʼullardan javoblar olishdi.
