Surxondaryo viloyati joylashgan Qorabayir otlari mahorat maktabida 43-sonli umumtaʼlim maktab o‘quvchilari uchun ot sport bo‘yicha mahorat darslari tashkil qilindi
Bugun Milliy gvardiya Surxondaryo viloyati bo‘yicha boshqarmasi tomonidan Termiz tumanida joylashgan Qorabayir otlari mahorat maktabida 43-sonli umumtaʼlim maktab o‘quvchilari uchun ot sport bo‘yicha mahorat darslari tashkil qilindi. Uchrashuv davomida o‘quvchi yoshlarga masʼul xodimlar tomonidan chavandozlar maktabining faoliyati, ot sportining uch kurash, to‘siqlardan sakrash, ot yo‘rttirish, zamonaviy beshkurash, polo hamda uloq-ko‘pkari turlari to‘g‘risida tushunchalar berilib, o‘quvchilar o‘zlarini qiziqtirgan barcha savollariga javob olishdi.
