Сурхондарё вилоятида жойлашган Қорабайир отлари маҳорат мактабида 43-сонли умумтаълим мактаб ўқувчилари учун от спорт бўйича маҳорат дарслари ташкил қилинди.
Бугун Миллий гвардия Сурхондарё вилояти бўйича бошқармаси томонидан Термиз туманида жойлашган Қорабайир отлари маҳорат мактабида 43-сонли умумтаълим мактаб ўқувчилари учун от спорт бўйича маҳорат дарслари ташкил қилинди. Учрашув давомида ўқувчи ёшларга масъул ходимлар томонидан чавандозлар мактабининг фаолияти, от спортининг уч кураш, тўсиқлардан сакраш, от йўрттириш, замонавий бешкураш, поло ҳамда улоқ-кўпкари турлари тўғрисида тушунчалар берилиб, ўқувчилар ўзларини қизиқтирган барча саволларига жавоб олишди.
