O‘zbekiston Respublikasi Konstitutsiyasi qabul qilinganligining 32 yilligi munosabati bilan Milliy gvardiya Maʼnaviyat va maʼrifat markazida tadbir tashkil etildi
Konstitutsiya qabul qilingan kunga bag‘ishlab o‘tkazilgan marosimda Milliy gvardiya qo‘mondoni o‘rinbosari polkovnik S.Mamayusupov, Oliy majlis Qonunchilik palatasining Yoshlar masalalari bo‘yicha komissiyasi raisi M.Valiyev, Jamoat xavfsizligi universiteti professor-o‘qituvchilari hamda tizim xodimlari ishtirok etdi.
Dastlab so‘z olgan qo‘mondon o‘rinbosari tadbir ishtirokchilarini O‘zbekiston Respublikasi Konstitutsiyasi qabul qilinganligining 32 yilligi bayrami bilan samimiy va qizg‘in muborakbod etdi.
Shuningdek, mamlakatimizda O‘zbekiston Respublikasi Konstitutsiyasi kuni bayrami "Konstitutsiya – erkin va farovon hayot garovi!" degan bosh g‘oya asosida keng nishonlanayotganligini taʼkidlab, Yangi O‘zbekiston hayotining turli sohalarida izchil davom etayotgan keng ko‘lamli va shiddatli islohotlar natijalarini mustahkamlashda yangi tahrirdagi Konstitutsiyamizning o‘rni va ahamiyati beqiyosligini alohida eʼtirof etdi.
Shundan so‘ng, maʼruzachilar tomonidan yangilangan Konstitutsiya jamiyatimiz hayotining barcha yo‘nalishlarini kompleks tartibga solish hamda mamlakatimizni demokratik rivojlantirish yo‘lida eng muhim huquqiy poydevor bo‘lib xizmat qilishi hamda Konstitutsiyaga kiritilgan yangi normalar barcha sohalarni taraqqiy ettishida muhim o‘rin tutishini taʼkidlab o‘tishdi.
