Ўзбекистон Республикаси Конституцияси қабул қилинганлигининг 32 йиллиги муносабати билан Миллий гвардия Маънавият ва маърифат марказида тадбир ташкил этилди
Конституция қабул қилинган кунга бағишлаб ўтказилган маросимда Миллий гвардия қўмондони ўринбосари полковник С.Мамаюсупов, Олий мажлис Қонунчилик палатасининг Ёшлар масалалари бўйича комиссияси раиси М.Валиев, Жамоат хавфсизлиги университети профессор-ўқитувчилари ҳамда тизим ходимлари иштирок этди.
Дастлаб сўз олган қўмондон ўринбосари тадбир иштирокчиларини Ўзбекистон Республикаси Конституцияси қабул қилинганлигининг 32 йиллиги байрами билан самимий ва қизғин муборакбод этди.
Шунингдек, мамлакатимизда Ўзбекистон Республикаси Конституцияси куни байрами "Конституция – эркин ва фаровон ҳаёт гарови!" деган бош ғоя асосида кенг нишонланаётганлигини таъкидлаб, Янги Ўзбекистон ҳаётининг турли соҳаларида изчил давом этаётган кенг кўламли ва шиддатли ислоҳотлар натижаларини мустаҳкамлашда янги таҳрирдаги Конституциямизнинг ўрни ва аҳамияти беқиёслигини алоҳида эътироф этди.
Шундан сўнг, маърузачилар томонидан янгиланган Конституция жамиятимиз ҳаётининг барча йўналишларини комплекс тартибга солиш ҳамда мамлакатимизни демократик ривожлантириш йўлида энг муҳим ҳуқуқий пойдевор бўлиб хизмат қилиши ҳамда Конституцияга киритилган янги нормалар барча соҳаларни тараққий эттишида муҳим ўрин тутишини таъкидлаб ўтишди.
