TAMAKI MAHSULOTLARINING NOQONUNIY SAVDOSIGA ChEK QO‘YILDI
Mamlakatimizda tamaki mahsulotlarining noqonuniy aylanmasiga qarshi hamkorlikdagi tizimli chora tadbirlar olib borilmoqda. Xususan, Toshkent shahar bojxona va Milliy gvardiya boshqarmasi xodimlari hamkorligida respublikamiz hududiga juda ko‘p miqdordagi tamaki mahsulotlarini aylanma yo‘llar orqali noqonuniy olib kirilishi, saqlanishi va ularni muomalaga kiritilishini oldini olish yuzasidan tezkor tadbirlar o‘tkazildi.
Tezkor tadbir davomida avvaldan kuzatuvga olingan Toshkent shahar, Yashnobod tumanidagi xonadonlardan biri belgilangan tartibda xolislar ishtirokida ko‘zdan kechirilganida, ushbu xonadonda xorijda ishlab chiqarilgan, belgilangan tartibdagi hujjatlari bo‘lmagan qiymati 245 mln 520 ming so‘mlik, 29 turdagi 16 680 quti tamaki mahsulotlari borligi aniqlandi.
Davom etgan tezkor tadbir mobaynida Toshkent shahar, Mirobod tumanida joylashgan xonadonlardan biri belgilangan tartibda xolislar ishtirokida ko‘zdan kechirilganida, qiymati 12 mln 600 ming so‘mlik 1050 quti tamaki mahsulotlari noqonuniy tarzda saqlanib kelinayotganligi aniqlandi.
O‘tkazilgan tezkor tadbirlar natijasida 258,1mln.so‘mlik 17 730 quti tamaki mahsulotlarining noqonuniy aylanmasiga chek qo‘yildi.
Hozirda mazkur holat yuzasidan surishtiruv harakatlari olib borilmoqda.
