Tashvish tugmasi orqali kelib tushgan xabarga ko‘ra Xorazm viloyati qo‘riqlash xizmati xodimlari tomonidan bankomatni o‘marmoqchi bo‘lgan shaxs voqea joyida qo‘lga olindi
Joriy yilning 12 aprel kuni soat 03:38da Urganch shahar qo‘riqlash bo‘limi Monitoring markaziga, shaharning Xonqa ko‘chasida joylashgan “Xamkorbank”ga tegishli bo‘lgan bankomatdan tashvish xabari kelib tushgan.
Olingan xabarga ko‘ra va ko‘rsatilgan manzilga yetib borgan Qo‘riqlash bo‘limi tezkor harakatlanuvchi guruh xodimlari tomonidan, bankomat muhri buzilganligi hamda seyf eshiklari ochiq holatda ekanligi aniqlanib, yashirinishga uringan nomaʼlum shaxs voqea joyidan uzoq bo‘lmagan hududda qo‘lga olingan va Urganch shahar 2-sonli IIBga topshirilgan.
Holat yuzasidan olib borilgan dastlabki o‘rganishlar davomida ushbu nomaʼlum shaxs 34 yoshli Yangibozor tumanda yashovchi fuqaro M.B. ekanligi aniqlangan va surishtiruv ishlari davom ettirilmoqda.
