“TEMIR DAFTAR”GA KIRITILGAN AYOLLARGA PSIXOLOGIK KO‘MAK BERILMOQDA
Milliy gvardiya Samarqand viloyati bo‘yicha boshqarmasi tomonidan xotin-qizlarni ijtimoiy qo‘llab-quvvatlash maqsadida samarali chora-tadbirlar amalga oshirilib kelinmoqda.
Ayniqsa, so‘nggi vaqtlarda “temir daftar”ga kiritilgan ayollarga har tomonlama yordam berish muhim vazifalardan biri etib tayinlanganligi bilan ham eʼtiborlidir. Kuni kecha Milliy gvardiya harbiy xizmatchilari ishtirokida Samarqand shahri Ro‘dakiy mahallasida istiqomat qiluvchi, “temir daftar”ga kiritilgan bir guruh ayollar bilan psixologik suhbatlar tashkil etildi.
Harbiy xizmatchilar avval xotin-qizlarning turmush tarzi, oilaviy sharoitlari bilan tanishib, ularni ijtimoiy qo‘llab-quvvatlash hamda himoya qilish, ish bilan bandligini taʼminlash masalalari bo‘yicha psixologik ko‘mak va muhim tavsiyalar berishdi.
Bu kabi tadbirlar samarasi o‘laroq bugungi kunda o‘zining oilaviy tadbirkorligini yo‘lga qo‘ygan ayollar soni tobora ortib bormoqda. Bu esa xotin-qizlarning ijtimoiy faolligini oshirib, jamiyat hayotida o‘z o‘rniga ega bo‘lishga xizmat qiladi.
