“TEMUR TUZUKLАRI BILIMDONI” INTELLEKTUАL TАNLOVI BOʼLIB OʼTDI
Joriy yilning 6 aprelь kuni Oʼzbekiston Respublikasi Milliy Gvardiyasi Toshkent “Temurbeklar maktabi” harbiy akademik litseyida “Temur tuzuklari bilimdoni” tanlovi boʼlib oʼtdi.
Mazkur tadbirdan koʼzlangan maqsad - buyuk sarkarda Soxibqiron Аmir Temurning boy maʼnaviy meʼrosini, harbiy sanʼat, madaniyat, jahon sivilizatsiyasiga qoʼshgan ulkan hissasini oʼrganish hamda kelgusi avlodlarga bezavol yetkazish, ibratli hayoti va ijtimoiy faoliyatini har tomonlama targʼib etish, oʼquvchi yoshlarning bilimini mustahkamlash hamda Аmir Temur tavalludining 685 yilligini koʼtarinki ruhda nishonlashdan iborat boʼldi.
Tanlovda Oʼzbekiston Respublikasi Milliy gvardiyasining Toshkent “Temurbeklar maktabi” harbiy-akademik litseyining “Temurbek avlodlari”, Respublika ixtisoslashtirilgan musiqa akademik litseyining “Sohibqiron”, Baxt oʼgʼil bolalar oʼquv-tarbiya muassasasining “Oʼzbekning zabardast bahodirlari” hamda Ichki ishlar vazirligining Ixtisoslashtirilgan maktab-internatining “Sohibqiron vorislari” jamoalari oʼzaro bellashdilar.
Tanlov uch shartdan iborat boʼlib, ishtirokchilar Аmir Temurning “Temur tuzuklari” boʼyicha nazariy bilimlari sinovdan oʼtkazildi. Jamoa aʼzolari tomonidan tayyorlangan Sohibqiron Аmir Temurning hayoti va ijodi, harbiy sanʼatiga bagʼishlangan sahna koʼrinishlari barchada katta taassurot qoldirdi.
“Temur tuzuklari bilimdoni” koʼrik-tanlovida ishtirok etish orqali oʼquvchilarimiz qalbida buyuk Sohibqiron Аmir Temurning adolatli davlat tuzish haqidagi oʼgitlari chuqur singdirildi, bu esa oʼz navbatida Yangi Oʼzbekistonning Uchinchi Renessans davriga mos mard, dovyurak va jasur oʼgʼlonlarni tarbiyalashga xizmat qiladi.
Tanlov soʼngida gʼolib jamoalar diplom hamda esdalik sovgʼalari bilan taqdirlandi.
