“Temurbeklar maktabi”, “Yosh chegarachilar” va “Jaloliddin Manguberdi” nomidagi harbiy-akademik litseylari oʻquvchilari oʻrtasida fan olimpiadasi oʻtkazildi.
Oʻzbekiston Respublikasi Davlat xavfsizlik xizmati, Ichki ishlar vazirligi, Milliy gvardiyasi, Mudofaa vazirligi hamda Favqulodda vaziyatlar vazirliklari hamda Oliy taʼlim, fan va innovatsiyalar vazirligi tomonidan 2025-yil 2-iyunda imzolangan 13/36/19/25/13/33-sonli qaror asosida tasdiqlangan ““Temurbeklar maktabi”, “Yosh chegarachilar” va “Jaloliddin Manguberdi” nomidagi harbiy-akademik litseylarda fan olimpiadalarini tashkil etishni takomillashtirishga doir chora-tadbirlar toʻgʻrisida”gi qoʻshma qarori asosida 2025-yil 20-22 noyabr kunlari Oʻzbekiston Respublikasi Milliy gvardiyasi Toshkent “Temurbeklar maktabi” harbiy-akademik litseyi bazasida “Temurbeklar maktabi”, “Yosh chegarachilar” va “Jaloliddin Manguberdi” nomidagi harbiy-akademik litseylari 1 va 2-bosqich oʻquvchilar oʻrtasida matematika, fizika, Oʻzbekiston tarixi, Davlat va huquq asoslari hamda ingliz tili fanlaridan fan olimpiadasi oʻtkazildi.
Olimpiada ishtirokchilarining bilim va malakalarini baholab borish Oliy taʼlim, fan va innovatsiyalar vazirligi tasarrufidagi Bilim va malakalarni baholash agentligi tomonidan oʻtkazildi.
Fanlar boʻyicha test sinovlari qoʻshma qaror asosida, koʻrsatilgan vaqt meʼyorlariga amal qilgan holda, yuqori saviyada tashkillashtirildi.
Test natijalari harbiy-akademik litsey vakillari guvohligida tekshirilib, gʻoliblar tegishligicha aniqlandi.
Fan olimpiadasi gʻoliblari Milliy gvardiya qoʻmondonligi tomonidan taʼsis etilgan diplom va qimmatbaho sovgʻalar bilan taqdirlandilar.
Gʻoliblarni taqdirlash marosimida Milliy gvardiya qoʻmondoni oʻrinbosari polkovnik S.Mamayusupov, harbiy kadrlar tayyorlash bosh boshqarmasi boshligʻi polkovnik A.Shuman, Toshkent shahar harbiy prokurori adliya polkovnigi O.Oʻsarov hamda Davlat xavfsizlik xizmati Chegara qoʻshinlari qoʻmondonligi vakili podpolkovnik E.Sharipov ishtirok etdilar.
Fan olimpiadasi ishtirokchilari uchun boʻsh vaqtlarida Yangi Oʻzbekiston bogʻi, Islom sivilizatsiyasi markazi hamda Gʻalaba bogʻiga sayohatlar uyushtirildi.
