“Темурбеклар мактаби”, “Ёш чегарачилар” ва “Жалолиддин Мангуберди” номидаги ҳарбий-академик лицейлари ўқувчилари ўртасида фан олимпиадаси ўтказилди.
Ўзбекистон Республикаси Давлат хавфсизлик хизмати, Ички ишлар вазирлиги, Миллий гвардияси, Мудофаа вазирлиги ҳамда Фавқулодда вазиятлар вазирликлари ҳамда Олий таълим, фан ва инновациялар вазирлиги томонидан 2025 йил 2 июнда имзоланган 13/36/19/25/13/33-сонли қарор асосида тасдиқланган ““Темурбеклар мактаби”, “Ёш чегарачилар” ва “Жалолиддин Мангуберди” номидаги ҳарбий-академик лицейларда фан олимпиадаларини ташкил этишни такомиллаштиришга доир чора-тадбирлар тўғрисида”ги қўшма қарори асосида 2025 йил 20-22 ноябрь кунлари Ўзбекистон Республикаси Миллий гвардияси Тошкент “Темурбеклар мактаби” ҳарбий-академик лицейи базасида “Темурбеклар мактаби”, “Ёш чегарачилар” ва “Жалолиддин Мангуберди” номидаги ҳарбий-академик лицейлари 1 ва 2-босқич ўқувчилар ўртасида математика, физика, Ўзбекистон тарихи, Давлат ва ҳуқуқ асослари ҳамда инглиз тили фанларидан фан олимпиадаси ўтказилди.
Олимпиада иштирокчиларининг билим ва малакаларини баҳолаб бориш Олий таълим, фан ва инновациялар вазирлиги тасарруфидаги Билим ва малакаларни баҳолаш агентлиги томонидан ўтказилди.
Фанлар бўйича тест синовлари қўшма қарор асосида, кўрсатилган вақт меъёрларига амал қилган ҳолда, юқори савияда ташкиллаштирилди.
Тест натижалари ҳарбий-академик лицей вакиллари гувоҳлигида текширилиб, ғолиблар тегишлигича аниқланди.
Фан олимпиадаси ғолиблари Миллий гвардия қўмондонлиги томонидан таъсис этилган диплом ва қимматбаҳо совғалар билан тақдирландилар.
Ғолибларни тақдирлаш маросимида Миллий гвардия қўмондони ўринбосари полковник С.Мамаюсупов, ҳарбий кадрлар тайёрлаш бош бошқармаси бошлиғи полковник А.Шуман, Тошкент шаҳар ҳарбий прокурори адлия полковниги О.Ўсаров ҳамда Давлат хавфсизлик хизмати Чегара қўшинлари қўмондонлиги вакили подполковник Э.Шарипов иштирок этдилар.
Фан олимпиадаси иштирокчилари учун бўш вақтларида Янги Ўзбекистон боғи, Ислом цивилизацияси маркази ҳамда Ғалаба боғига саёҳатлар уюштирилди.
