Toshkent viloyati Oqqo‘rg‘on tumanidagi 3-sonli maktabda “Yangi O‘zbekiston yoshlari birlashaylik”shiori ostida sport va maʼdaniy tadbirlar tashkil etildi.
Bugunda Respublikamiz bo‘ylab 14 yoshdan 30 yoshgacha bo‘lgan o‘g‘il qizlarning qiziqishlarini o‘rganish, ularni kasbga yo‘naltirish va bandligini taʼminlash maqsadida yangi tizim yo‘lga qo‘yilmoqda. Bo‘lib o‘tgan tadbirda ham o‘quvchi yoshlarning bo‘sh vaqtlarini mazmunli o‘tkazishga qaratilgan bir qator intellektual o‘yinlar, sport musobaqalari va uchrashuvlar o‘tkazildi. Zakovat intellektual o‘yinida yoshlar o‘z bilimlarini sinovdan o‘tkazishgan bo‘lsa, kamondan otish, stol tennisi, arm-reyestrling, shaxmat-shashka singari sport turlarida tengdoshlari bilan bellashishdi. Shuningdek, uch avlod uchrashuvida o‘quvchilar tumandagi keksa nuroniylar, faxriy o‘qituvchilar va harbiylar bilan suhbatlashib, ularning o‘gitlari va boy tajribasidan bahramand bo‘lishdi.
Kun davomida bo‘lib o‘tgan tadbirlar gulxan atrofidagi mushoira va kuy-qo‘shiqlar bilan o‘z yakuniga yetdi.
