Тошкент вилояти Оққўрғон туманидаги 3-сонли мактабда “Янги Ўзбекистон ёшлари бирлашайлик”шиори остида спорт ва маъданий тадбирлар ташкил этилди.
Бугунда Республикамиз бўйлаб 14 ёшдан 30 ёшгача бўлган ўғил қизларнинг қизиқишларини ўрганиш, уларни касбга йўналтириш ва бандлигини таъминлаш мақсадида янги тизим йўлга қўйилмоқда. Бўлиб ўтган тадбирда ҳам ўқувчи ёшларнинг бўш вақтларини мазмунли ўтказишга қаратилган бир қатор интеллектуал ўйинлар, спорт мусобақалари ва учрашувлар ўтказилди. Заковат интеллектуал ўйинида ёшлар ўз билимларини синовдан ўтказишган бўлса, камондан отиш, стол тенниси, арм-реестрлинг, шахмат-шашка сингари спорт турларида тенгдошлари билан беллашишди. Шунингдек, уч авлод учрашувида ўқувчилар тумандаги кекса нуронийлар, фахрий ўқитувчилар ва ҳарбийлар билан суҳбатлашиб, уларнинг ўгитлари ва бой тажрибасидан баҳраманд бўлишди.
Кун давомида бўлиб ўтган тадбирлар гулхан атрофидаги мушоира ва куй-қўшиқлар билан ўз якунига етди.
