Toshkent viloyati aholisi bilan mahallabay ishlash tizimini amalga oshirishga qaratilgan chora tadbirlar davom ettirilmoqda. Xususan, viloyat hududida xizmat faoliyatini olib borayotgan harbiy xizmatchi va xodimlarlarning oilalariga ham alohida eʼtibor qaratilib, ularni ijtimoiy qo‘llab-quvvatlash masalalari yuzasidan sayyor qabul tashkillashtirildi
Mazkur tadbirda 100 dan ortiq harbiy xizmatchi va xodimlarning oila aʼzolari ishtirok etib, turmush tarzi bilan bog‘liq qator masalalar yuzasidan sayyor qabulda murojaatlarni tinglagan Milliy gvardiya qo‘mondonligi va viloyat boshqarmasi mutasaddi rahbarlari, Chirchiq harbiy prokuraturasi, bandlik va mehnat munosabatlari, xalq taʼlimi hamda maktabgacha taʼlim boshqarmalari masʼul vakillari tomonidan mavjud muammolarning ijobiy yechimini topish choralari ko‘rildi. Tashrif buyurgan harbiy xizmatchilarning turmush o‘rtoqlari shuni taʼkidlashdiki, bundan oldingi bo‘lib o‘tgan sayyor qabullar jarayonidagi muammolarining aksariyati bugunda hal etilgan.
Tadbir jarayonida oilalarning mustahkamligini taʼminlashda ayollarning roli bugunda o‘ta miximligi taʼkidlab o‘tildi. Va ularni bugunda qanday ijtimoiy muammolar qiynab ketayotganligi bo‘yicha xar birining murojaatlari tinglandi. Uy-joy, maktabgacha taʼlim muassasalariga farzandlarini joylashtirish, xizmat joylarini doimiy turar manziliga ko‘chirish, madaniy xordiq, harbiy taʼlim, bandlikni taʼminlash yo‘nalishlarida savollar berildi. Xar bir murojaat tegishli masʼul ofitser va xodimlar tomonidan yozib olinib, ijrosi yuzasidan qattiq nazorat o‘rnatildi.