Тошкент вилоятида сайёр қабул бўлиб ўтди
Тошкент вилояти аҳолиси билан маҳаллабай ишлаш тизимини амалга оширишга қаратилган чора тадбирлар давом эттирилмоқда. Хусусан, вилоят ҳудудида хизмат фаолиятини олиб бораётган ҳарбий хизматчи ва ходимларларнинг оилаларига ҳам алоҳида эътибор қаратилиб, уларни ижтимоий қўллаб-қувватлаш масалалари юзасидан сайёр қабул ташкиллаштирилди
Мазкур тадбирда 100 дан ортиқ ҳарбий хизматчи ва ходимларнинг оила аъзолари иштирок этиб, турмуш тарзи билан боғлиқ қатор масалалар юзасидан сайёр қабулда мурожаатларни тинглаган Миллий гвардия қўмондонлиги ва вилоят бошқармаси мутасадди раҳбарлари, Чирчиқ ҳарбий прокуратураси, бандлик ва меҳнат муносабатлари, халқ таълими ҳамда мактабгача таълим бошқармалари масъул вакиллари томонидан мавжуд муаммоларнинг ижобий ечимини топиш чоралари кўрилди. Ташриф буюрган ҳарбий хизматчиларнинг турмуш ўртоқлари шуни таъкидлашдики, бундан олдинги бўлиб ўтган сайёр қабуллар жараёнидаги муаммоларининг аксарияти бугунда ҳал этилган.
Тадбир жараёнида оилаларнинг мустаҳкамлигини таъминлашда аёлларнинг роли бугунда ўта михимлиги таъкидлаб ўтилди. Ва уларни бугунда қандай ижтимоий муаммолар қийнаб кетаётганлиги бўйича хар бирининг мурожаатлари тингланди. Уй-жой, мактабгача таълим муассасаларига фарзандларини жойлаштириш, хизмат жойларини доимий турар манзилига кўчириш, маданий хордиқ, ҳарбий таълим, бандликни таъминлаш йўналишларида саволлар берилди. Хар бир мурожаат тегишли масъул офицер ва ходимлар томонидан ёзиб олиниб, ижроси юзасидан қаттиқ назорат ўрнатилди.
