Toshkent viloyatidagi tog‘li hududlardagi dam olish maskanlarida jamoat tartibini saqlash hamda fuqarolar xavfsizligini taʼminlashga qaratilgan manzilli chora-tadbirlar olib borilmoqda // Milliy gvardiya tizimi faxriylari hamda xizmat vaqtida halok bo‘lgan xodimlarning oila aʼzolari xolidan xabar olindi. // O‘zbekiston Respublikasi Qurolli Kuchlari tashkil etilganligining 33 yilligi hamda 14 yanvar - “Vatan himoyachilari kuni” munosabati bilan "Askar onalarini sharaflaymiz!” mavzusidagi tadbir tashkil etildi // Poytaxtimizdagi "Kinochilar uyida" Milliy gvardiya “Temurbeklar maktabi” faoliyatiga oid “Vaʼda” nomli teleserialning taqdimoti bo‘lib o‘tdi // Yangi O‘zbekiston milliy armiyasi - mamlakatimiz tayanchi, xalqimiz faxri

 

Ўз O'z Ру En

UCH YIL AVVAL O‘G‘IRLAB KETILGAN “SPARK” TOPILDI

Bugun, 22 may kuni soat 12:00 lar atrofida Toshkent shahri, Chilonzor tumani, Sharq mahallasi, Zargarlik ko‘chasida davlat raqamisiz “SPARK” rusumli avtomashina uzoq muddatdan beri turganligi aniqlandi.

Avtomashinaning davlat raqami yo‘qligi va old o‘ng tomoni shikastlanganligi Milliy gvardiya harbiy xizmatchisi S.Kubayevda shubha uyg‘otdi. Ushbu qarovsiz avtomashina egasining shaxsiga aniqlik kiritish maqsadida, Chilonzor tumani Yo‘l-patrul xizmatiga murojaat qilinganda, ichki ishlar axborot bazasidan kuzov raqami asosida “SPARK” avtomashinasi egasining shaxsi aniqlandi.

Mazkur avtomashina egasi Toshkent shahri, Olmazor tumanida tug‘ilgan 23 yoshli fuqaro Sobirov Mirvali Mirziyot o‘g‘li ekanligi maʼlum bo‘lgach, axborot bazasidagi mobil telefon raqami orqali u bilan bog‘lanildi va voqea joyiga chaqirildi.

Voqea joyiga yetib kelgan fuqaro M.Sobirov mazkur avtomobil haqiqatdan ham unga tegishli ekanligini tasdiqlab, 2018 yil 4 mart kuni soat taxminan 07:00lar atrofida Chilonzor tumanidagi Toshkent savdo markazi bozori yonida o‘g‘irlab ketilganligini maʼlum qildi.

Huquqni muhofaza qiluvchi organlar xodimlarining hushyorligi, vaziyatga to‘g‘ri baho bera olganligi tufayli yana bir o‘g‘irlik jinoyati fosh etildi. Avtomashina o‘g‘irlik sodir etgan jinoyatchining qo‘l izlarini olish va uni topishda foydalanish uchun espertizaga yuborildi. Albatta jinoyatchining qilmishlariga tez fursatda qonuniy chora ko‘riladi.

Text to speech