Umumiy o‘rta taʼlim muassasalarida o‘quv yili yakunlanishi munosabati bilan xavfsizlikni taʼminlash va jamoat tartibini saqlash borasida amalga oshiriladigan hamkorlikdagi chora-tadbirlar belgilab olindi.
Mavzuga oid masalalar video-selektor tarzida o‘tkazilgan yig‘ilishda muhokama qilindi, unda IIV, Milliy gvardiya, Favqulodda vaziyatlar vazirligi rahbar xodimlari hamda hududiy studiyalardan sohaga oid mutasaddilar ishtirok etishdi.
Vazirlik o‘rinbosarlari ishtirokida bo‘lib o‘tgan mazkur yig‘ilishda asosiy eʼtibor tadbirlar o‘tkaziladigan joylarda ko‘ngilsiz hodisalar sodir etilishini oldini olish, hamda fuqarolar bilan xushmuomalada bo‘lishga qaratilishi, xavfsizlikni taʼminlash maqsadida, tadbir joylarini tekshiruvdan puxta o‘tkazilishi, tadbirlar o‘tkaziladigan obyektlar atrofida istiqomat qiluvchi fuqarolar bilan huquqbuzarliklarning oldini olishga qaratilgan manzilli profilaktik ishlarni amalga oshirilishiga alohida eʼtibor qaratildi.
Yig‘ilishda, IIV o‘rinbosari general-mayor B. Abdullayev va Milliy gvardiya qo‘mondoni o‘rinbosari polkovnik A.Sormonqulovlar tomonidan joylardamutasaddi rahbarlarga tegishliligi bo‘yicha ko‘rsatma va topshiriqlar berildi.
IIV o‘rinbosari B. Abdullayev mazkur tadbirlarga tayyorgarlik ko‘rish va o‘tkazish davrida barcha idoralar, sohaviy xizmatlar rahbariyati o‘z masʼuliyatini oshirishi hamda xizmat yo‘nalishlari bo‘yicha barcha chora-tadbirlarni yuqori saviyada namunali tashkil etilishiga ishonch bildirdi.