Умумий ўрта таълим муассасаларида ўқув йили якунланиши муносабати билан хавфсизликни таъминлаш ва жамоат тартибини сақлаш борасида амалга ошириладиган ҳамкорликдаги чора-тадбирлар белгилаб олинди.
Мавзуга оид масалалар видео-селектор тарзида ўтказилган йиғилишда муҳокама қилинди, унда ИИВ, Миллий гвардия, Фавқулодда вазиятлар вазирлиги раҳбар ходимлари ҳамда ҳудудий студиялардан соҳага оид мутасаддилар иштирок этишди.
Вазирлик ўринбосарлари иштирокида бўлиб ўтган мазкур йиғилишда асосий эътибор тадбирлар ўтказиладиган жойларда кўнгилсиз ҳодисалар содир этилишини олдини олиш, ҳамда фуқаролар билан хушмуомалада бўлишга қаратилиши, хавфсизликни таъминлаш мақсадида, тадбир жойларини текширувдан пухта ўтказилиши, тадбирлар ўтказиладиган объектлар атрофида истиқомат қилувчи фуқаролар билан ҳуқуқбузарликларнинг олдини олишга қаратилган манзилли профилактик ишларни амалга оширилишига алоҳида эътибор қаратилди.
Йиғилишда, ИИВ ўринбосари генерал-майор Б. Абдуллаев ва Миллий гвардия қўмондони ўринбосари полковник А.Сормонқуловлар томонидан жойлардамутасадди раҳбарларга тегишлилиги бўйича кўрсатма ва топшириқлар берилди.
ИИВ ўринбосари Б. Абдуллаев мазкур тадбирларга тайёргарлик кўриш ва ўтказиш даврида барча идоралар, соҳавий хизматлар раҳбарияти ўз масъулиятини ошириши ҳамда хизмат йўналишлари бўйича барча чора-тадбирларни юқори савияда намунали ташкил этилишига ишонч билдирди.
