Urganch shahrida qurilish materiallarini o‘g‘irlamoqchi bo‘lgan shaxslar qo‘lga olindi.
Joriy yilning 8 may kuni tunda Urganch markaziy dehqon bozorida joylashgan do‘konlarining biri orqa tomonida saqlanayotgan qurilish materiallarini 2 nafar shaxs tomonidan o‘g‘irlik sodir qilinayotgan vaqtda ushbu hududda xizmat olib borayotgan “Qo‘riqlash” bo‘limi xodimi payqab qolib, Xorazm viloyati “Qo‘riqlash” boshqarmasiga xabar bergan.
Tezkor guruh xodimlari zudlik bilan voqea joyiga yetib kelib, o‘g‘irlikda gumon qilingan fuqarolar joyida qo‘lga olingan.
Dastlabki surishtiruv natijasida ular, mahalliy hududda yashovchi 1979 y.t. fuqaro R.A va 2007 y.t. K.M ekanligi aniqlangan.
Hozirda mazkur holat bo‘yicha surishtiruv ishlari Urganch shahar IIB masʼul xodimlari tomonidan olib borilmoqda.
