Урганч шаҳрида қурилиш материалларини ўғирламоқчи бўлган шахслар қўлга олинди.
Жорий йилнинг 8 май куни тунда Урганч марказий деҳқон бозорида жойлашган дўконларининг бири орқа томонида сақланаётган қурилиш материалларини 2 нафар шахс томонидан ўғирлик содир қилинаётган вақтда ушбу ҳудудда хизмат олиб бораётган "Қўриқлаш" бўлими ходими пайқаб қолиб, Хоразм вилояти "Қўриқлаш" бошқармасига хабар берган.
Тезкор гуруҳ ходимлари зудлик билан воқеа жойига етиб келиб, ўғирликда гумон қилинган фуқаролар жойида қўлга олинган.
Дастлабки суриштирув натижасида улар, маҳаллий ҳудудда яшовчи 1979 й.т. фуқаро Р.А ва 2007 й.т. К.М эканлиги аниқланган.
Ҳозирда мазкур ҳолат бўйича суриштирув ишлари Урганч шаҳар ИИБ масъул ходимлари томонидан олиб борилмоқда.
