Urush faxriylariga Prezident sovg‘alari yetkazildi
9 may –“Xotira va qadrlash kuni” bayrami munosabati bilan Namangan viloyatida istiqomat qiluvchi faxriylar holidan xabar olinmoqda.
Norin tumanidagi Ikkinchi jahon urushi qatnashchisi, Katta O‘lmas mahalla fuqarolar yig‘inida yashovchi Turdivoy ota Mamatov, Pop tumanining eng olis, tog‘li hududi bo‘lgan Chorkesar mahallasida istiqomat qiluvchi 101 yoshni qarshi olgan Abdurahmon ota Mirzarahmonov, To‘raqo‘rg‘on tumanida umrguzaronlik qilayotgan 100 yoshli Ikromjon Umrzoqovlar xonadoniga viloyat hokimi boshchiligidagi hokimiyat vakillari , Milliy gvardiya harbiy xizmatchilari, tuman sektor rahbarlari va keng jamoatchilik vakillari tashrif buyurdi.
Tashrif davomida tashkilotchilar bayram tabrigini o‘qib eshittirib, 18 million so‘m pul mukofoti, sovg‘a-salomlar, oziq-ovqat hamda dori-darmon mahsulotlarini topshirdi.
