Уруш фахрийларига Президент совғалари етказилди
9 май –“Хотира ва қадрлаш куни” байрами муносабати билан Наманган вилоятида истиқомат қилувчи фахрийлар ҳолидан хабар олинмоқда.
Норин туманидаги Иккинчи жаҳон уруши қатнашчиси, Катта Ўлмас маҳалла фуқаролар йиғинида яшовчи Турдивой ота Маматов, Поп туманининг энг олис, тоғли ҳудуди бўлган Чоркесар маҳалласида истиқомат қилувчи 101 ёшни қарши олган Абдураҳмон ота Мирзараҳмонов, Тўрақўрғон туманида умргузаронлик қилаётган 100 ёшли Икромжон Умрзоқовлар хонадонига вилоят ҳокими бошчилигидаги ҳокимият вакиллари , Миллий гвардия ҳарбий хизматчилари, туман сектор раҳбарлари ва кенг жамоатчилик вакиллари ташриф буюрди.
Ташриф давомида ташкилотчилар байрам табригини ўқиб эшиттириб, 18 миллион сўм пул мукофоти, совға-саломлар, озиқ-овқат ҳамда дори-дармон маҳсулотларини топширди.
