Andijon viloyatida talonchilikda gumon qilingan shaxslar aniqlanib Milliy gvardiya xodimlari tomonidan qo‘lga olindi
Joriy yilning 25 iyun kuni soat 20:00 lar atrofida Andijon shahri, Eski shahar hududida jamoat tartibini saqlash bo‘yicha belgilangan hududda xizmat olib borayotgan Milliy gvardiya Andijon viloyati bo‘yicha boshqarmasi harbiy xizmatchilariga 1999 y.t Andijon shahrida yashovchi fuqaro R.A murojaat qilib, Eski shahar markaziy dehqon bozori hududiga yaqin (Avtomobillar qatnov qismining chetida) joyda notanish (3 nafar) kishilar uni to‘xtatib pul va qimmatbaho buyumlarini berishini talab qilganliklari va qo‘lida bo‘lgan "Redmi 10" rusumli uyali aloqa vositasini kuch ishlatish orqali tortib olganliklari to‘g‘risida maʼlum qilgan.
Olib borilgan tezkor harakatlar natijasida gumonlanuvchi shaxslar, Eski shahar markaziy dehqon bozori hududidagi “Yoshlik” oziq ovqat do‘koni yaqinida qo‘lga olingan.
Dastlabki surishtiruv davomida ushbu fuqarolar Andijon shahrida yashovchi 1999 y.t O.I, 1999 y.t I.Sh hamda 2002 y.t Q.O lar ekanligi maʼlum bo‘lgan.
Hozirda holat yuzasidan surishtiruv ishlari Andijon shahar IIOFMB tomonidan davom ettirilmoqda.
