Андижон вилоятида талончиликда гумон қилинган шахслар аниқланиб Миллий гвардия ходимлари томонидан қўлга олинди
Жорий йилнинг 25 июнь куни соат 20:00 лар атрофида Андижон шаҳри, Эски шаҳар ҳудудида жамоат тартибини сақлаш бўйича белгиланган ҳудудда хизмат олиб бораётган Миллий гвардия Андижон вилояти бўйича бошқармаси ҳарбий хизматчиларига 1999 й.т Андижон шаҳрида яшовчи фуқаро Р.А мурожаат қилиб, Эски шаҳар марказий деҳқон бозори ҳудудига яқин (Автомобиллар қатнов қисмининг четида) жойда нотаниш (3 нафар) кишилар уни тўхтатиб пул ва қимматбаҳо буюмларини беришини талаб қилганликлари ва қўлида бўлган "Redmi 10" русумли уяли алоқа воситасини куч ишлатиш орқали тортиб олганликлари тўғрисида маълум қилган.
Олиб борилган тезкор ҳаракатлар натижасида гумонланувчи шахслар, Эски шаҳар марказий деҳқон бозори ҳудудидаги "Ёшлик" озиқ овқат дўкони яқинида қўлга олинган.
Дастлабки суриштирув давомида ушбу фуқаролар Андижон шаҳрида яшовчи 1999 й.т О.И, 1999 й.т И.Ш ҳамда 2002 й.т Қ.О лар эканлиги маълум бўлган.
Ҳозирда ҳолат юзасидан суриштирув ишлари Андижон шаҳар ИИОФМБ томонидан давом эттирилмоқда.
