BO‘ZATOV TUMANIDA KAMONDAN OTISH SPORTI BO‘YICHA QORAQALPOG‘ISTON RESPUBLIKASI BIRINCHILIGI O‘TKAZILDI
Bugungi kunda Respublikamiz bo‘ylab kamondan otish sport turi bo‘yicha iqtidorli yoshlar aniqlanib ularni professional sportchilar sifatida tayyorlashning yangi tizimi yo‘lga qo‘yilgan bo‘lib qator tizimli ishlar amalga oshirilib kelinmoqda.
Kamondan otish sport turi bo‘yicha milliy terma jamoamizning Olimpiya va Paralimpiya, Osiyo va Paraosiyo o‘yinlarida, jahon chempionatlarida va boshqa yirik musobaqalarda munosib ishtirok etishini taʼminlash maqsadida joriy yilning 8-10 aprel kunlari Bo‘zatov tumanida Qoraqalpog‘iston Respublikasi Qo‘riqlash boshqarmasi hamda Kamondan otish federatsiyasi bilan hamkorlikda Qoraqalpog‘iston Respublikasi birinchiligi musobaqasi bo‘lib o‘tdi.
Musobaqada Respublikaning barcha tumanlaridan 80 nafardan ortiq iqtidorli sportchilar ishtirok etdi. Qizg‘in va murosasiz kechgan 3 kunlik musobaqada yuksak qobiliyatlarga ega bo‘lgan ishtirokchilar musobaqaning yakuniy bosqichiga yetib kelishdi. Umumiy hisobda birinchi o‘rin Bo‘zatov yoshlariga nasib etdi. G‘oliblar tashkilotchilar tomonidan kubok, medal, diplom va qimmatbaho sovg‘alar bilan taqdirlandilar.
