БЎЗАТОВ ТУМАНИДА КАМОНДАН ОТИШ СПОРТИ БЎЙИЧА ҚОРАҚАЛПОҒИСТОН РЕСПУБЛИКАСИ БИРИНЧИЛИГИ ЎТКАЗИЛДИ
Бугунги кунда Республикамиз бўйлаб камондан отиш спорт тури бўйича иқтидорли ёшлар аниқланиб уларни профессионал спортчилар сифатида тайёрлашнинг янги тизими йўлга қўйилган бўлиб қатор тизимли ишлар амалга оширилиб келинмоқда.
Камондан отиш спорт тури бўйича миллий терма жамоамизнинг Олимпия ва Паралимпия, Осиё ва Параосиё ўйинларида, жаҳон чемпионатларида ва бошқа йирик мусобақаларда муносиб иштирок этишини таъминлаш мақсадида жорий йилнинг 8-10 апрель кунлари Бўзатов туманида Қорақалпоғистон Республикаси Қўриқлаш бошқармаси ҳамда Камондан отиш федерацияси билан ҳамкорликда Қорақалпоғистон Республикаси биринчилиги мусобақаси бўлиб ўтди.
Мусобақада Республиканинг барча туманларидан 80 нафардан ортиқ иқтидорли спортчилар иштирок этди. Қизғин ва муросасиз кечган 3 кунлик мусобақада юксак қобилиятларга эга бўлган иштирокчилар мусобақанинг якуний босқичига етиб келишди. Умумий ҳисобда биринчи ўрин Бўзатов ёшларига насиб этди. Ғолиблар ташкилотчилар томонидан кубок, медаль, диплом ва қимматбаҳо совғалар билан тақдирландилар.
