Qoraqalpog‘iston Respublikasida “Qo‘riqlash” boshqarmasi xodimlari tunda sayyohlik firmasi binosiga noqonuniy kirgan shaxsni qo‘lga oldi.
15-oktyabrdan 16-oktyabrga o‘tar kechasi soat 02:08 larda To‘rtko‘l tumani “Qo‘riqlash” bo‘limiga qarashli texnik qo‘riqlash markaziga To‘rtko‘l ko‘chasida joylashgan “Muhammad Ali Turizm” MCHJga qarashli qo‘riqlanadigan obyektdan “tashvish” signali kelib tushdi.
Voqea joyiga yetib kelgan tezkor harakatlanuvchi guruh xodimlari qo‘riqlanadigan obyekt eshigi ochiq ekanligi va xonada nomaʼlum shaxs borligi aniqlanib, qo‘lga olindi.
Ushbu shaxs To‘rtko‘l tumani IIBga olib brilib, shaxsiga aniqlik kiritilganda u Buxoro viloyatida tug‘ilgan B.J. ekanligi maʼlum bo‘ldi. Hozir ushbu holat bo‘yicha To‘rtko‘l tumani IIB tomonidan tergovga qadar tekshiruv ishlari olib borilmoqda.