Қорақалпоғистон Республикасида “Қўриқлаш” бошқармаси ходимлари тунда сайёҳлик фирмаси биносига ноқонуний кирган шахсни қўлга олди.
15-октябрдан 16-октябрга ўтар кечаси соат 02:08 ларда Тўрткўл тумани “Қўриқлаш” бўлимига қарашли техник қўриқлаш марказига Тўрткўл кўчасида жойлашган “Муҳаммад Али Туризм” МЧЖга қарашли қўриқланадиган объектдан “ташвиш” сигнали келиб тушди.
Воқеа жойига етиб келган тезкор ҳаракатланувчи гуруҳ ходимлари қўриқланадиган объект эшиги очиқ эканлиги ва хонада номаълум шахс борлиги аниқланиб, қўлга олинди.
Ушбу шахс Тўрткўл тумани ИИБга олиб брилиб, шахсига аниқлик киритилганда у Бухоро вилоятида туғилган Б.Ж. эканлиги маълум бўлди. Ҳозир ушбу ҳолат бўйича Тўрткўл тумани ИИБ томонидан терговга қадар текширув ишлари олиб борилмоқда.
