Respublika miqyosida Milliy gvardiya hududiy bo‘linmalarida "Huquqbuzarliklar profilaktikasi kuni" doirasida tadbirlar o‘tkazildi
Toshkent shahri
Joriy yilning 16 fevral kuni Milliy gvardiya Markaziy devoni boshqarma boshliqlari,ofitserlari ishtirokida Yo‘l harakati qoidalari va ularning yangi tahriri bo‘yicha seminar yig‘ilish bo‘lib o‘tdi. Mazkur yig‘ilishni qo‘mondon o‘rinbosari polkovnik S.Mamayusupov kirish so‘zi bilan ochib berdi. Shundan so‘ng, 2022 yilda harbiy xizmatchi va xodimlar ishtirokida sodir etilgan yo‘l transport hodisalari bo‘yicha yig‘ilish o‘tkazildi.
————
Toshkent viloyati
Joriy yilning 16 fevral kuni "Huquqbuzarliklar profilaktika kuni" doirasida Chirchiq shahrida joylashgan harbiy qismda shahar YPX mutaxassis xodimlari va harbiy xizmatchilar ishtirokida "Yo‘l xatoni kechirmaydi" mavzusida targ‘ibot-tashviqot tadbiri o‘tkazildi.
Mashg‘ulot davomida mavzuga doir videoroliklar namoyish etildi, shuningdek, shaxsiy avtotransport vositalariga ega bo‘lgan harbiy xizmatchilarning avtotransport vositalari texnik holati hamda boshqarish huquqini beruvchi hujjatlari tekshirildi.
————
Farg‘ona viloyati
Joriy yilning 16 fevral kuni "Huquqbuzarliklar profilaktika kuni" munosabati bilan Milliy gvardiya Farg‘ona viloyati bo‘yicha boshqarmasi harbiy xizmatchilari,Qo‘qon shahar IIB Yo‘l harakati xavfsizligi boshqarmasi bo‘limi boshlig‘i ishtirokida "Yo‘l qoidasi umr foydasi"shiori ostida profilaktik mashg‘ulot o‘tkazildi. Mashg‘ulot davomida Qo‘qon shahar IIB Kiber jinoyatga qarshi kurashish bo‘limi vakili tomonidan harbiy xizmatchilarga kiberxavfsizlik, jinoyatchilikni oldini olish borasida tushunchalar berildi. Mashg‘ulot muzokaralarga boy tarzda o‘tkazildi. Tadbir yakunida mutaxassislar tomonidan harbiy xizmatchilarning savollariga batafsil javoblar berildi.
————
Xorazm viloyati
Milliy gvardiya bo‘linmalarida haftaning payshanba kunlari profilaktika kuni doirasida targ‘ibot-tashviqot tadbirlari o‘tkazilishi yo‘lga qo‘yilgan.
Xuddi shunday tadbirlardan biri Milliy gvardiya Xorazm viloyati bo‘yicha boshqarmasi harbiy xizmatchi va xodimlari bilan profilaktika kuni doirasida "Tezlik umr zavoli", "Haydovchi qo‘lidagi telefon xatarga sabab" mavzusida targ‘ibot-tashviqot tadbirlari o‘tkazildi.
————
Namangan viloyati
Milliy gvardiya Namangan viloyati bo‘yicha boshqarmasi hamda “Qo‘riqlash” boshqarmasi harbiy xizmatchi va xodimlari bilan viloyat IIB YHXB masʼul xodimlari ishtirokida
"Huquqbuzarliklar profilaktikasi kuni" doirasida "Yo‘l harakati qoidalariga kiritilayotgan o‘zgartirishlar" to‘g‘risida profilaktik tadbir o‘tkazildi.
Shuningdek, harbiy xizmatchilar va xodimlarning shaxsiy avtotransport vositalarini boshqarish huquqini beruvchi hujjatlari, avtotransport vositalarining texnik holatlari tekshiruvdan o‘tkazildi.
