Qidiruvda bo‘lgan shaxs Yunusobod tumanida qo‘lga olindi
Kelib tushgan xabarga asosan, joriy yilning 12 iyun kuni soat 18:27 da Yunusobod tumanida joylashgan “Korzinka-Sayram” supermarketi hududida “Qo‘riqlash” boshqarmasi tezkor harakatlanuvchi guruhi va ichki ishlar organlari xodimlari hamkorligida tezkor tadbir o‘tkazildi.
Unda Olmazor tumani IIO FMB tomonidan O‘zbekiston Respublikasi Jinoyat kodeksining 165-moddasi (“Tovlamachilik”), 206-moddasi (“Hokimiyat yoki mansab vakolati doirasidan chetga chiqish”) bo‘yicha jinoyat sodir etganligi uchun o‘tgan yilning fevral oyidan qidiruvda bo‘lgan o‘ttiz besh yoshli fuqaro A.A qo‘lga olindi.
Hozirda ushbu shaxsga nisbatan Yunusobod tumani IIO FMB xodimlari tomonidan surishtiruv ishlari olib borilmoqda.
