Nukusda Qo‘riqlash boshqarmasi xodimlari tomonidan gumonlanuvchi qo‘lga olindi
24 aprel kuni soat 21.40 da Qoraqalpog‘iston Respublikasi Milliy gvardiyasi Qo‘riqlash boshqarmasi Texnik qo‘riqlash markaziga dehqon bozori hududida joylashgan “Feruza” kafesidan tashvish xabari kelib tushdi.
Tezkorlik bilan voqea joyida yetib kelgan xodimlarga jabrlanuvchi T.N. nomaʼlum shaxs uning "Samsung Galaxy A 02" telefonini o‘g‘irlab ketganligini maʼlum qilgan.
Xodimlar tomonidan tashqi videokuzatuv kameralari yozuvlarini o‘rganilib, gumonlanuvchining tashqi ko‘rinishi va qaysi yo‘nalish tomon ketganligini aniqlandi.
Bir necha daqiqadan so‘ng gumonlanuvchi qo‘lga olinib, hudud Ichki ishlar bo‘limiga olib borildi va dastlabki surishtiruv natijasida huquqbuzar muqaddam avtoulov o‘g‘irlaganligi uchun sudlangan 25 yoshli Sh.R. ekanligi aniqlandi.
Qo‘lga olingan shaxs o‘z qilmishiga iqror bo‘lib, qilmishini o‘sha vaqtda mast holatda bo‘lganligi bilan izohladi.
