Shayxontohur tumani, Chorsu bozoridagi do‘konlarning biri yonida 27 iyundan 28 iyunga o‘tar kechasi taxminan soat 1.40 larda tuman “Qo‘riqlash” bo‘limi xodimlari o‘zlariga biriktirilgan hududda patrullik qilayotganida, shubhali erkakni payqab qolishgan. Fuqarodan bemahal vaqtda nima sababdan bozor hududiga kirganligi so‘ralganda, savolga javob bera olmagan. Bundan tashqari, uning yonida hech qanday hujjatlar bo‘lmagan, lekin o‘ziga xos hidga ega bo‘lgan kukunsimon modda solingan uchta kichik selofan paket bo‘laklari borligi aniqlangan.

Shundan so‘ng, voqea joyiga “Qo‘riqlash” bo‘limining tezkor guruhi chaqirilib, qo‘lga olingan shaxs Shayxontohur tumani IIBga yetkazilgan. Qo‘lga olingan shaxsning shaxsi aniqlanganda, u shu hududda yashovchi 21 yoshli N.A. ekanligi maʼlum bo‘lgan.

Hozirda tergov harakatlari ichki ishlar organlari tomonidan olib borilmoqda.

Chilonzor tumanida 30 iyun kuni kechki soat 18.00larda “Qo‘riqlash” bo‘limi xodimlari xizmat mashinasida xizmat hududiga ketayotgan paytida ko‘p qavatli uylardan birining yonida turgan erkak xodimlarning eʼtiborini tortdi va xizmat mashinasini payqab qolgan fuqaro yashirinishga uringan. Erkakning xatti-harakati xodimlarda shubha uyg‘otganligi sababli to‘xtatildi.

Fuqarodan hujjatlarni taqdim etishni va xatti-harakatlarining sabablarini tushuntirishi so‘ralganda, uning yonida hech qanday hujjat mavjud emasligi aniqlandi. Undan tashqari, tekshiruv jarayonida uning yonidan 7 dona o‘ramda o‘ziga xos hidli kukunsimon modda topilib, olib qo‘yildi.
Fuqaro qo‘lga olinib, Chilonzor tumani IIBda shaxsiga aniqlik kiritilganda, u Yashnobod tumanida yashovchi 32 yoshli G.Sh. maʼlum bo‘lgan.
Hozirda, mazkur holat yuzasidan ichki ishlar organlari tomonidan dastlabgi tergov harakatlari olib borilmoqda.