Шайхонтоҳур тумани, Чорсу бозоридаги дўконларнинг бири ёнида 27 июндан 28 июнга ўтар кечаси тахминан соат 1.40 ларда туман “Қўриқлаш” бўлими ходимлари ўзларига бириктирилган ҳудудда патруллик қилаётганида, шубҳали эркакни пайқаб қолишган. Фуқародан бемаҳал вақтда нима сабабдан бозор ҳудудига кирганлиги сўралганда, саволга жавоб бера олмаган. Бундан ташқари, унинг ёнида ҳеч қандай ҳужжатлар бўлмаган, лекин ўзига хос ҳидга эга бўлган кукунсимон модда солинган учта кичик селофан пакет бўлаклари борлиги аниқланган.

Шундан сўнг, воқеа жойига “Қўриқлаш” бўлимининг тезкор гуруҳи чақирилиб, қўлга олинган шахс Шайхонтоҳур тумани ИИБга етказилган. Қўлга олинган шахснинг шахси аниқланганда, у шу ҳудудда яшовчи 21 ёшли Н.А. эканлиги маълум бўлган.

Ҳозирда тергов ҳаракатлари ички ишлар органлари томонидан олиб борилмоқда.

Чилонзор туманида 30 июнь куни кечки соат 18.00ларда “Қўриқлаш” бўлими ходимлари хизмат машинасида хизмат ҳудудига кетаётган пайтида кўп қаватли уйлардан бирининг ёнида турган эркак ходимларнинг эътиборини тортди ва хизмат машинасини пайқаб қолган фуқаро яширинишга уринган. Эркакнинг хатти-ҳаракати ходимларда шубҳа уйғотганлиги сабабли тўхтатилди.

Фуқародан ҳужжатларни тақдим этишни ва хатти-ҳаракатларининг сабабларини тушунтириши сўралганда, унинг ёнида ҳеч қандай ҳужжат мавжуд эмаслиги аниқланди. Ундан ташқари, текширув жараёнида унинг ёнидан 7 дона ўрамда ўзига хос ҳидли кукунсимон модда топилиб, олиб қўйилди.
Фуқаро қўлга олиниб, Чилонзор тумани ИИБда шахсига аниқлик киритилганда, у Яшнобод туманида яшовчи 32 ёшли Г.Ш. маълум бўлган.
Ҳозирда, мазкур ҳолат юзасидан ички ишлар органлари томонидан дастлабги тергов ҳаракатлари олиб борилмоқда.