Toshkentda Milliy gvardiya xodimlari tomonidan jinoyat sodir etganligi uchun qidiruvda bo‘lgan shaxs qo‘lga olindi
O‘zbekiston Respublikasi Jinoyat kodeksining 169-moddasi (“O‘g‘rilik”) bilan jinoyat sodir etganligi uchun ichki ishlar organlari tomonidan qidiruvda bo‘lgan Surxondaryo viloyatida istiqomat qiluvchi 34 yoshli fuqaro U.J. joriy yilning 16 iyun sanasida “Qo‘yliq” dehqon bozorida qo‘lga olindi.
Shu kabi, ichki ishlar organlari tomonidan qidiruvda bo‘lgan yana bir 41 yoshli fuqaro Sh.X. ham 19 iyul kuni Olmazor tumanidagi “Makro” supermarketi oldida qo‘lga olindi.
Ikkala holat yuzasidan ham ichki ishlar organlari faoliyatini muvofiqlashtirish boshqarmalarining hududiy bo‘linmalari tomonidan surishtiruv ishlari olib borilmoqda.
