Poytaxtimizda muomalaga chiqarilishi taqiqlangan kuchli taʼsir etuvchi dori vositalari savdosining oldi olindi.
Joriy yilning 7 aprel kuni O‘zbekiston Respublikasi IIV, DXX va Milliy gvardiya hamkorligida poytaxtimizning Uchtepa tumanida tezkor-qidiruv tadbirlari o‘tkazildi.
Tezkor tadbir davomida fuqarolar 20 yoshli zangiotalik T.Sh va 26 yoshli I.D. “O‘rikzor” savdo majmuasida 1 600 AQSH dollari evaziga tarkibida “Sibutramin” moddasi bo‘lgan turli xil savdo belgisi ostida ishlab chiqilgan jami 1 200 dona kuchli taʼsir qiluvchi dori vositalarini sotayotgan vaqtida qo‘lga olindi.
Shuningdek, bozor hududidagi ularga tegishli omborxonadan 11 282 dona vazn yo‘qotish uchun qo‘llaniladigan kuchli taʼsir qiluvchi dori vositalari ashyoviy dalil sifatida rasmiylashtirildi.
Hurmatli yurtdoshlar! «Tito Lido», «Goryachiy peres», «Sinzi shou», “Blokator”, «Reduksin layt», «Black panther», “Fatzorb” kabi faol reklama qilingan vazn yo‘qotish uchun qo‘llaniladigan dori-darmonlar sog‘lig‘ingizga jiddiy zarar yetkazishi mumkin. Mazkur dorilar kuchli va hatto psixotrop hamda giyohvand moddalarni o‘z ichiga oladi. Shuningdek, dorilar tibbiy sinovdan o‘tkazilmagan va qay darajada taʼsir qilishiga hech kim kafolat bermaydi
