VAKSINA – koronavirusdan eng samarali himoya
Butun dunyoda global muammo bo‘lib turgan koronavirus infeksiyasi xavfi barchani tashvishga solmoqda. O‘z navbatida, barcha korxona va tashkilotlarda pandemiyaga qarshi samarali kurash olib borish yuzasidan tegishli chora-tadbirlar va targ‘ibot-tashviqot ishlari olib borilmoqda.
Jumladan, Milliy gvardiya Navoiy viloyati bo‘yicha boshqarmasida ham harbiy xizmatchi va xodimlarni emlash jarayonlari uyushqoqlik bilan tashkil qilingan. Boshqarmaning Tibbiyot punktida o‘zbek-xitoy vaksinasi shaxsiy tarkibga o‘tkazildi. Maqsad harbiy xizmatchilarning salomatligini asrash va shu orqali jamiyatda sog‘lom turmush tarzini targ‘ib qilishdan iboratdir.
Milliy gvardiya harbiy xizmatchi va xodimlari bu borada barchaga namuna bo‘lishmoqda. Ular birinchilardan bo‘lib “Men vaksina oldim” shiori ostida chellendjni boshladi.
Fuqarolarni o‘zlari va yaqinlarining sog‘liqlariga befarq bo‘lmaslikka undash, bu borada birgalikda kurash olib borish ayni damda harbiylarning bosh vazifalaridan biriga aylangan.
Hurmatli fuqarolar! Siz ham shoshiling! Koronavirus infeksiyasiga qarshi birga kurashaylik!
