Voleybol sport turi bo‘yicha Milliy gvardiya birinchiligi musobaqasi g‘oliblari aniqlandi.
O‘zbekiston Respublikasi Milliy gvardiyasi bo‘linmalarida jismoniy tayyorgarlikni yana-da oshirish, sportning voleybol turi bo‘yicha tizimdagi eng kuchli terma jamoani aniqlash, iqtidorli sportchilarni saralab olib, jamoa tarkibini shakllantirish va ularni huquqni muhofaza qiluvchi organlar o‘rtasida hamda respublika miqyosida o‘tkaziladigan musobaqalarga tayyorlash maqsadida voleybol sport turi bo‘yicha Milliy gvardiya birinchiligi uchun musobaqa bo‘lib o‘tdi.
Hududiy saralash bosqichlari joriy yilning 24-26 yanvar kunlari o‘tkazilib, g‘olib bo‘lgan jamoalar 27-28 yanvar kunlari Toshkent viloyati Chirchiq shahridagi O‘zbekiston Davlat Jismoniy tarbiya va sport instituti voleybol maydonida birinchilik uchun bahslashishdi. Bellashuv natijalariga ko‘ra:
1-o‘rin – Milliy gvardiya 65921 harbiy qism jamoasiga
2-o‘rin – Milliy gvardiya Chirchiq shahrida joylashgan harbiy qism jamoasiga
3-o‘rin – Milliy gvardiya Qo‘riqlash bosh boshqarmasi terma jamoalariga nasib qildi.
O‘tkazilgan musobaqada g‘olib va sovrindor bo‘lgan terma jamoalar medal, diplomlar va kuboklar bilan, eng yaxshi o‘yinchilar turli nominatsiyalar bo‘yicha diplomlar bilan taqdirlandi.
