Волейбол спорт тури бўйича Миллий гвардия биринчилиги мусобақаси ғолиблари аниқланди.
Ўзбекистон Республикаси Миллий гвардияси бўлинмаларида жисмоний тайёргарликни янада ошириш, спортнинг волейбол тури бўйича тизимдаги энг кучли терма жамоани аниқлаш, иқтидорли спортчиларни саралаб олиб, жамоа таркибини шакллантириш ва уларни ҳуқуқни муҳофаза қилувчи органлар ўртасида ҳамда республика миқёсида ўтказиладиган мусобақаларга тайёрлаш мақсадида волейбол спорт тури бўйича Миллий гвардия биринчилиги учун мусобақа бўлиб ўтди.
Ҳудудий саралаш босқичлари жорий йилнинг 24-26 январь кунлари ўтказилиб, ғолиб бўлган жамоалар 27-28 январь кунлари Тошкент вилояти Чирчиқ шаҳридаги Ўзбекистон Давлат Жисмоний тарбия ва спорт институти волейбол майдонида биринчилик учун баҳслашишди. Беллашув натижаларига кўра:
1-ўрин – Миллий гвардия 65921 ҳарбий қисм жамоасига
2-ўрин – Миллий гвардия Чирчиқ шаҳрида жойлашган ҳарбий қисм жамоасига
3-ўрин – Миллий гвардия Қўриқлаш бош бошқармаси терма жамоаларига насиб қилди.
Ўтказилган мусобақада ғолиб ва совриндор бўлган терма жамоалар медаль, дипломлар ва кубоклар билан, энг яхши ўйинчилар турли номинациялар бўйича дипломлар билан тақдирланди.
