O‘zbekiston sport tarixida ilk marotaba kamonchilarimiz shohsupaga ko‘tarildi!
Ushbu ko‘p millatli, ko‘p turdagi sport musobaqalarida Milliy terma jamoamiz safida, Kamondan otish bo‘yicha terma jamoasi ham munosib ishtirok etib kuchlilar qatoridan joy olishdi. Sportchilarimiz Amirxon Sadiqov hamda Ziyodaxon Abdusattarovalar Miks yo‘nalishida bronza medalini qo‘lga kiritishdi.
Tarixiy ahamiyatga ega bo‘lgan mazkur nufuzli musobaqada kamonchilarimiz ilk marotaba ishtirok etayotgan bo‘lsalarda, duetlik(juftlik) bellashuvida bronza medalini qo‘lga kiritganliklari O‘zbekiston Kamondan otish federatsiyasining so‘ngi yillarda yangi bosqichga qadam qo‘yib, federatsiya rahbariyati tomonidan sportchilarga yaratib berilayotgan keng imkoniyat va shart-sharoitlarning samarasidir.
Eslatib o‘tamiz: Mazkur musobaqada ishtirok etgan og‘ir atletika bo‘yicha terma jamoamiz aʼzosi Milliy gvardiya harbiy xizmatchisi Doston Yoqubov kumush medalini qo‘lga kiritgan bo‘lsa, Yunon-rum kurashi bo‘yicha safdoshimiz Jalgasboy Berdimurodov oltin medalni qo‘lga kiritgan edi.
Ushbu xalqaro musobaqada faol ishtirok etgan va medallarni qo‘lga kiritib Milliy terma jamoamiz g‘alabasiga munosib hissa qo‘shgan barcha sportchilarimizni samimiy qutlab qolamiz!
