Ўзбекистон спорт тарихида илк маротаба камончиларимиз шоҳсупага кўтарилди!
Ушбу кўп миллатли, кўп турдаги спорт мусобақаларида Миллий терма жамоамиз сафида, Камондан отиш бўйича терма жамоаси ҳам муносиб иштирок этиб кучлилар қаторидан жой олишди. Спортчиларимиз Амирхон Садиқов ҳамда Зиёдахон Абдусаттаровалар Микс йўналишида бронза медалини қўлга киритишди.
Тарихий аҳамиятга эга бўлган мазкур нуфузли мусобақада камончиларимиз илк маротаба иштирок этаётган бўлсаларда, дуэтлик(жуфтлик) беллашувида бронза медалини қўлга киритганликлари Ўзбекистон Камондан отиш федерациясининг сўнги йилларда янги босқичга қадам қўйиб, федерация раҳбарияти томонидан спортчиларга яратиб берилаётган кенг имконият ва шарт-шароитларнинг самарасидир.
Эслатиб ўтамиз: Мазкур мусобақада иштирок этган оғир атлетика бўйича терма жамоамиз аъзоси Миллий гвардия ҳарбий хизматчиси Достон Ёқубов кумуш медалини қўлга киритган бўлса, Юнон-рум кураши бўйича сафдошимиз Жалгасбой Бердимуродов олтин медални қўлга киритган эди.
Ушбу халқаро мусобақада фаол иштирок этган ва медалларни қўлга киритиб Миллий терма жамоамиз ғалабасига муносиб ҳисса қўшган барча спортчиларимизни самимий қутлаб қоламиз!
