XALQARO KONFERENSIYANING MAZMUN-MOHIYATI O‘RGANILMOQDA
Muhtaram yurtboshimiz tashabbuslari bilan joriy yilning 15-16 iyul kunlari, Toshkent shahrida “Markaziy va Janubiy Osiyo: Mintaqaviy bog‘liqlik. Tahdidlar va imkoniyatlar” mavzusida bo‘lib o‘tgan xalqaro konferensiyaning mazmun mohiyatini shaxsiy tarkibga yetkazish maqsadida Milliy gvardiya hududiy boshqarmalarida davra suhbatlari tashkil etilmoqda.
Jumladan, Milliy gvardiya Qashqadaryo viloyati bo‘yicha boshqarmasi harbiy xizmatchilari hamda Qo‘riqlash boshqarmasi xodimlari, mutasaddi tashkilotlar va ommaviy axborot vositalari vakillari ishtirokida ana shunday tadbirlarning navbatdagisi bo‘lib o‘tdi.
Mazkur tadbirda mutaxassislar tomonidan ishtirokchilarga mamlakatimiz rahbarining Markaziy va Janubiy Osiyoning tarixiy madaniy mushtarakligi, mamlakat va xalqlarimizning bir-biriga mos keluvchi manfaatlari umumiy farovon kelajakni barpo etishimiz uchun asos bo‘ladigan mustahkam poydevor ekanligini, birgalikda barqaror rivojlanish istiqbollari bo‘yicha aniq yondashuvga ega bo‘lishimiz lozim ekanligini taʼkidlab o‘tgan maʼruzalarining mazmun-mohiyati tushuntirib o‘tildi.
Albatta bu kabi o‘tkazilayotgan tadbirlar harbiy xizmatchi va xodimlarning huquqiy bilim va ko‘nikmalarini oshirishga xizmat qiladi.
