ХАЛҚАРО КОНФЕРЕНЦИЯНИНГ МАЗМУН-МОҲИЯТИ ЎРГАНИЛМОҚДА
Муҳтарам юртбошимиз ташаббуслари билан жорий йилнинг 15-16 июль кунлари, Тошкент шаҳрида “Марказий ва Жанубий Осиё: Минтақавий боғлиқлик. Таҳдидлар ва имкониятлар” мавзусида бўлиб ўтган халқаро конференциянинг мазмун моҳиятини шахсий таркибга етказиш мақсадида Миллий гвардия ҳудудий бошқармаларида давра суҳбатлари ташкил этилмоқда.
Жумладан, Миллий гвардия Қашқадарё вилояти бўйича бошқармаси ҳарбий хизматчилари ҳамда Қўриқлаш бошқармаси ходимлари, мутасадди ташкилотлар ва оммавий ахборот воситалари вакиллари иштирокида ана шундай тадбирларнинг навбатдагиси бўлиб ўтди.
Мазкур тадбирда мутахассислар томонидан иштирокчиларга мамлакатимиз раҳбарининг Марказий ва Жанубий Осиёнинг тарихий маданий муштараклиги, мамлакат ва халқларимизнинг бир-бирига мос келувчи манфаатлари умумий фаровон келажакни барпо этишимиз учун асос бўладиган мустаҳкам пойдевор эканлигини, биргаликда барқарор ривожланиш истиқболлари бўйича аниқ ёндашувга эга бўлишимиз лозим эканлигини таъкидлаб ўтган маърузаларининг мазмун-моҳияти тушунтириб ўтилди.
Албатта бу каби ўтказилаётган тадбирлар ҳарбий хизматчи ва ходимларнинг ҳуқуқий билим ва кўникмаларини оширишга хизмат қилади.
