XALQARO KONFERENSIYANING MAZMUN-MOHIYATI VA AHAMIYATI KENG JAMOATCHILIKKA YETKAZILDI
O‘zbekiston Respublikasi Milliy gvardiyasi Qoraqalpog‘iston Respublikasi bo‘yicha boshqarmasi harbiy xizmatchilari, Qo‘riqlash boshqarmasi xodimlari va Mintaqaviy o‘quv markazi tinglovchilariga joriy yilning 15-16 iyul kunlari Toshkent shahrida bo‘lib o‘tgan «Markaziy va Janubiy Osiyo mintaqaviy bog‘liqlik: Tahdidlar va imkoniyatlar» mavzusidagi xalqaro konferensiyadagi yurtboshimizning maʼruzalari mazmun-mohiyati o‘rganish yuzasidan seminar mashg‘uloti tashkil etildi.
Seminar mashg‘ulotiga Nukus shahridagi Oliy taʼlim muassasalaridan professor o‘qituvchilar taklif etilib, ayni vaqtdagi dolzarb va aksariyat xorijiy kuzatuvchilar tomonidan «Mintaqaviy xavfsizlik. Qarshiliklar va tahdidlar» mavzusiga bag‘ishlangan yig‘ilishda yangi xatar va tahdidlarga qarshi kurashda, shuningdek transchegaraviy infratuzilmalar xavfsizligini taʼminlashda mintaqaviy hamkorlik istiqbollariga eʼtibor qaratilishi borasidagi fikrlar muhokama qilindi.
Bu kabi o‘tkazilayotgan seminar mashg‘ulotlar Markaziy va Janubiy Osiyo davlatlari o‘rtasidagi yaqin va do‘stona aloqalarni, ishonch va yaxshi qo‘shnichilikni ikki mintaqa xalqlari va mamlakatlari manfaatlari yo‘lida mustahkamlash kerakligini anglashga xizmat qiladi.
