Xalqaro konferensiyaning mazmun-mohiyati keng jamoatchilikka yetkazildi
O‘zbekiston Respublikasi Milliy gvardiyasi Navoiy viloyati bo‘yicha boshqarmasida joriy yilning 15-16 iyul kunlari Toshkent shahrida “Markaziy va Janubiy Osiyo mintaqaviy bog‘liqlik tahdidlar va imkoniyatlar” mavzusida o‘tkazilgan xalqaro konferensiyasiga qaratilgan davra suxbati bo‘lib o‘tdi.
Tadbirda Navoiy Davlat Pedegogika Instituti prorektori X.Qurbonov, yig‘ilganlar eʼtiboriga Prezident Shavkat Mirziyoyev tashabbusi bilan o‘tkazilayotgan konferensiya Markaziy va Janubiy Osiyo davlatlari o‘rtasidagi do‘stona aloqalar, ishonch va yaxshi qo‘shnichilik munosabatlarini mustahkamlashga qaratilganligini, madaniy-gumanitar aloqalarni qayta tiklash orqali do‘stlik va o‘zaro ishonchni mustahkamlash, mintaqaviy xavfsizlik sohasidagi tahdid va xatarlar muhokama qilinganligini, formuning asosiy maqsadi ikki mintaqa o‘rtasidagi tarixan yaqin va do‘stona aloqalarni mustahkamlashdan iboratligini, investitsiyalar, transport, energetika va innovatsiyalar, “yashil” texnologiyalar sohalarida hamkorlikni rivojlantirish, turizm, taʼlim, sog‘liqni saqlash, fan va madaniyat sohalarida sheriklikni kengaytirish yuzasidan batafsil fikr almashish va birgalikda takliflar ishlab chiqish o‘rin olganligini aytib, fikr mulohazalarini bildirib o‘tdi.
Yig‘ilish yakunida, boshqarma boshlig‘i kun tartibidagi masala yuzasidan o‘z fikr mulohazalarini bildirib, kelgusida shaxsiy tarkibning huquqiy bilim saviyasini, jismoniy, jangovar va kasbiy tayyorgarliklarini yana-da kuchaytirish borasida amalga oshirilishi lozim bo‘lgan ustuvor vazifalar belgilab olish lozimligini aytib o‘tdi.
