XAYRLI VA SAVOB ISHLAR BARDAVOM
Milliy gvardiya tarkibiy va hududiy bo‘linmalari tomonidan joylarda ijtimoiy muhofazaga muhtoj qatlam vakillariga eʼtibor qaratish, ularga zaruriy masalalarda har tomonlama yordam ko‘rsatish anʼanaga aylangan.
Xususan, Milliy gvardiya Qashqadaryo viloyati Kitob tumani qo‘riqlash bo‘limi xodimlari tomonidan bayram arafasida ijtimoiy himoyaga muhtoj oilalar holidan xabar olindi. O‘tkazilgan mazkur tadbirlarda xonadonlarga tashrif buyurilib, keksa va yolg‘iz onalar, boquvchisini yo‘qotgan, nogiron farzandi bor ayollar, ijtimoiy himoyaga muhtoj fuqarolarga go‘sht hamda oziq-ovqat mahsulotlari topshirildi.
Uchrashuv yakunida keksalar ko‘rsatilgan g‘amxo‘rlikdan ko‘zlariga yosh olib, xayrli duo qildilar.
Shu o‘rinda taʼkidlab o‘tish joizki, siz-u biz yashab turgan jamiyatda inson shaʼni va manfaati har narsadan ustun. Asosiy maqsad va vazifa aholi o‘rtasida sog‘lom turmush tarzini targ‘ib qilish, insonlarga beg‘araz yordam ko‘rsatib,ijtimoiy himoyaga muhtoj fuqarolarni har tomonlama qo‘llab-quvvatlash hamda mamlakatimiz ravnaqiga munosib hissa qo‘shishdan iboratdir.
