ХАЙРЛИ ВА САВОБ ИШЛАР БАРДАВОМ
Миллий гвардия таркибий ва ҳудудий бўлинмалари томонидан жойларда ижтимоий муҳофазага муҳтож қатлам вакилларига эътибор қаратиш, уларга зарурий масалаларда ҳар томонлама ёрдам кўрсатиш анъанага айланган.
Хусусан, Миллий гвардия Қашқадарё вилояти Китоб тумани қўриқлаш бўлими ходимлари томонидан байрам арафасида ижтимоий ҳимояга муҳтож оилалар ҳолидан хабар олинди. Ўтказилган мазкур тадбирларда хонадонларга ташриф буюрилиб, кекса ва ёлғиз оналар, боқувчисини йўқотган, ногирон фарзанди бор аёллар, ижтимоий ҳимояга муҳтож фуқароларга гўшт ҳамда озиқ-овқат маҳсулотлари топширилди.
Учрашув якунида кексалар кўрсатилган ғамхўрликдан кўзларига ёш олиб, хайрли дуо қилдилар.
Шу ўринда таъкидлаб ўтиш жоизки, сиз-у биз яшаб турган жамиятда инсон шаъни ва манфаати ҳар нарсадан устун. Асосий мақсад ва вазифа аҳоли ўртасида соғлом турмуш тарзини тарғиб қилиш, инсонларга беғараз ёрдам кўрсатиб,ижтимоий ҳимояга муҳтож фуқароларни ҳар томонлама қўллаб-қувватлаш ҳамда мамлакатимиз равнақига муносиб ҳисса қўшишдан иборатдир.
