XOTIN-QIZLAR BANDLIGINI TAʼMINLASH MUHIM VAZIFA
Mamlakatimizda qizlarning puxta bilim olishlari, kasb-hunar egallashi, qolaversa, ularni katta hayotga, oilaga tayyorlash borasida mutaxassislar tomonidan keng ko‘lamli ishlar olib borilmoqda.
Jumladan, kuni kecha Milliy gvardiya Surxondaryo viloyati bo‘yicha boshqarmasi harbiy xizmatchilari 12-sonli mehribonlik uyiga tashrif buyurib, tarbiyalanuvchi qizlar holidan xabar oldilar. Tadbir davomida ularni bir hunar sohibasi bo‘lishi uchun tushunchalar berib, isteʼdodli hunarmand qizlardagi qobiliyatini yuksaltirish
maqsadida amaliy mashg‘ulotlar o‘tqazdi. Tarbiyalanuvchilar avvaliga qo‘l mehnati asosida tayyorlanadigan mahsulotlarni diqqat bilan kuzatib, so‘ng o‘zlari ham ushbu mashg‘ulotga kirishib ketdi. Harbiy sohaga qiziqqan va kelajakda harbiy bo‘lishni maqsad qilgan qizlar uchun ayol harbiy xizmatchilar bilan
tashkillashtirilgan mashg‘ulotlar yaxshi taassurot qoldirib, ularga bir olam quvonch baxsh etdi. Bunday tadbirlar ularning jamiyatda o‘z o‘rnini topishlariga xizmat qilishiga ishonamiz.
