XOTIRA VA QADRLASH – XALQIMIZNING ASRIY QADRIYATI, ULUG‘ FAZILATIDIR
Ona Vatan uchun o‘limga tik borish, o‘z yaqinlari taqdiri, or-nomusini barcha narsalardan ustun qo‘yish, g‘urur-oriyat uchun kurash kabi oliy insoniy fazilatlar bobo-momolarimizga bo‘lgan hurmat va mehr hislarini yana-da oshiradi. Bunday insonlarni ardoqlash, ularning duosini olish, ajdodlardan yuksak vatanparvarlikni o‘rganish esa avlodlar uchun ham maktab, ham munosib farzandlik burchidir.
Shu sabab 9 may – “Xotira va qadrlash kuni” munosabati bilan Navoiy viloyatida ham Milliy gvardiya harbiy xizmatchilari Qiziltepa tumanida istiqomat qiluvchi Ikkinchi jahon urushi qatnashchilari Rashida ona Ishqilova hamda Shukur ota Hamitovlarning xonadonlarida mehmon bo‘lib, ularning xolidan xabar oldilar.
Faxriylarimiz bildirilgan samimiy tilaklardan ko‘ngillari ko‘tarilib, tinch hayotga shukronalik keltirdilar. Bir piyola choy ustida sinovli davr ishtirokchilarining qalb so‘zlariga quloq tutildi.
Uchrashuvda olingan pand-nasihatlar, sarguzashtlar haqidagi hikoyalar Milliy Gvardiya harbiy xizmatchilari uchun haqiqiy ibrat maktabi bo‘ldi.
